Home Uncategorized Aruba ser representa pa Clementia Eugene y Mireille Sint Jago durante Toastmasters...

Aruba ser representa pa Clementia Eugene y Mireille Sint Jago durante Toastmasters International Contest na Barbados

SHARE

Dia 8 di april a tuma lugar Aruba’s International Speech and Table Topics Contest 2017. Tres di e 5 Toastmaster Clubnan a manda un of dos candidato como participante. Organisadornan (Chair) di e evento e aña aki tawata TM Julisa Jones, Presidente di Aruba Toastmasters Club (ATC) y Dorshon Salmon, Presidente di University of Aruba Toastmasters Club (UATC). E MC di e evento tawata den man di TM Raffy Kock.

Ganadora di e Speech Contest 2017 a sali TM Clementia Eugene. Docente di Social Studies na Universidad di Aruba y miembro UATC. E titulo di su speech ta: “The Improbable Journey of Daddy’s Little Girl.” TM Eugene a logra prolonga e titulo pa UATC, cu a gana e competencia na Aruba aña pasa tambe.

Ganadora di e segmento di Table Topics contest a sali TM Mireille Sint Jago. Docente di Chimica na Colegio San Augustin San Nicolas y Colegio San Antonio na Santa Cruz. Mireille Sint Jago ta un Toastmaster cu a logra habri dos club nobo den menos cu un aña. El a tuma e iniciativo y a logra habri Gilberto Francois ‘Betico’ Croes Toastmasters Club (BCTC) na 25 di januari 2017 y el a inicia y funda UATC na 11 di februari 2016. TM Sint Jago ta Presidente di BCTC y hunto cu TM Eugene e lo representa Aruba durante e International Speech and Table Topics Contest na Barbados di Districto 81.

Aña pasa Aruba a ser representa pa TM Mireille Sint Jago den e Speech y Table Topics Contest na Jamaica como first runner up den speech contest hunto cu TM Olivia Groeneveldt cu a gana Table Topics. E aña aki TM Groeneveldt a sali first runner up pa tur dos categoria pa su club ATC.

Pa mas informacion y sponsoring di e gastonan di e dos representantenan di Aruba na Barbados por tuma contact cu TM Mireille Sint Jago na 6900099.