Home Uncategorized Molotov cocktail, tira ariba auto na Coba Lodo

Molotov cocktail, tira ariba auto na Coba Lodo

SHARE

Coba Lodo – Diasabra marduga den careda di 2’or polis di Santa Cruz ta bay un adres na Coba Lodo, pa un auto na candela.

Na yegada habitantenan mes a paga e parti di e auto cu tawata na candela. Ora a chek mas leu, a resulta cu un of mas hende lo a manda un molotov cocktail ariba e auto, cu ta un Suzuki Vitara. Molotov Cocktail ta un simpel bom, caminda gasolin ta wordo yena den boter y un pida paña ta ser usa como mecha.
E ta wordo cendi y tira.

Segun e habitante a conta, nan a tende un sonido y a sali wak, caminda nan ta haya e parti dilanti di e auto na candela. Mes ora nan a page, pero asina mes e auto a sufri poco daño.

Na e sitio bo por a haya holor fuerte di gasolin cu tawata den un boter di plastic, cu a wordo usa como e bom.
Brandweer tambe a presenta pa a tira un bista, paso e auto lo tawata saca huma ainda.

Departamento tecnico di polis tambe a ser pidi na e sitio. No ta conoci pakiko un of mas persona lo kier a kima e auto.