Home Uncategorized Evelyn Wever-Croes (MEP): “Ta duel mi cu fraccion di AVP a scohe...

Evelyn Wever-Croes (MEP): “Ta duel mi cu fraccion di AVP a scohe pa scapa cara di minister”

SHARE

 

AVP TA IGNORA E ANGUSTIA CU TA BIBA DEN PUEBLO PA INSIGURIDAD

ORANJESTAD — Lider di MEP Evelyn Wever-Croes den reunion publico cu minister Dowers diamars ultimo a hasi un apelacion riba fraccion di AVP pa scucha e angustia y preocupacionnan cu ta biba den comunidad.
“Mi kier dirigi mi mes na e parlamentarionan di AVP. Minister Dowers a faya. Pueblo ta sclama pa trankilidad y husticia. Pueblo su unico speransa awor ta Parlamento pa trese un solucion.

Mi ta sigur cu boso tur no ta aproba tur loke ta pasando riba nos pais, mi sa con boso ta pensa. Algun di boso mester acepte, pasobra bo no tin choice. Pero algun di boso si ta sinti boso incomfrotabel pa sigi defende un minister cu ta tolera y acepta tur e ilegalidad y corupcion den gobierno, y e insiguridad riba nos isla.

Awe lubida e compromiso na bo partido, awe corda riba e pueblo cu bo ta representa. Nos pueblo kier trankilidad y siguridad.
E cuerpo di husticia ta traha bon, el’a demostra esey bou di otro gobernacionnan tambe. Ta e cabes di e ministerio nos mester cambia. Pone ken cu boso kier na su lugar, e lo hasie mihor y nos lo mira un cambio.
Esey ta mi apelacion na boso como mama, como cuidadano y mi ta hasi e apelacion aki den nomber di nos votadonan y boso votardornan cu tambe ta roga pa trankilidad y siguridad”.
Lamentablemente e parlamentarionan di AVP a scohe pa yuda minister Dowers, en bes di yuda pueblo. Cu esaki e situacion di criminalidad ta sigi escala na Aruba. Pero na september, pueblo por haya su gobierno cu SI ta bai combati criminalidad cu man duro.