Home Uncategorized Un biaha mas Zhangs Supercenter blanco di atraco, den menos di 1aña...

Un biaha mas Zhangs Supercenter blanco di atraco, den menos di 1aña dos biaha atraca

SHARE

Paradera – Shiribana

Diabierna Santo mey anochi, un atraco formal ta tuma luga ariba Zhangs Supercenter, situa na Shiribana.
Ta trata di tres atracador, caminda cu un di nan tawata arma cu revolver.

Dos ta baha, e di tres cu ta e driver a keda den auto, e lo por ta un dama of un homber cu cabey largo of dreadlocks. Mester bisa cu tur esaki sosodiendo ariba un caminda principal y dilanti tur hende. Pues e atracadornan aki no tin cuenta cu nada, esun cu para den nan caminda lo por te hasta resulta fatal pa nan, si nan los un tiro.

Durante cu nan a atraca un cliente bayendo pa subi su auto, tambe ta perde su cadena, ora cu e atracadornan cu ta papia bon papiamento segun polis a ranke for di dje.

Paden nan a pidi placa y despues ta bandona e sitio den unV-carHyundai i10 horta, cu a wordo haya ariba un caminda di tera hopi mas pabou di Anytime Bar Restaurant.

Instancianan concerni departmento tecnico y atraco team.
Manera nos a bisa caba, tur hende sa kiko ta pasando, pero no tin nada pa frena e ola di atraconan aki cu ta cada biaha ta bira peor, cu te hasta un cliente ta bira victima durante e atraco.