Home Uncategorized Fraude ta causa cu tur studiantenan di MAVO mester haci nan schoolexamen...

Fraude ta causa cu tur studiantenan di MAVO mester haci nan schoolexamen di aardrijkskunde di nobo

SHARE

ORANJESTAD, – Diamars a circula un carta di Inspectie van het Onderwijs dirigi na tur MAVO,  SKOA, SPCOA y tambe DPS. Den e carta aki nan a informa cu desde 10 di april un persona a publica e MAVO schoolexamen di aardrijkskunde riba Facebook . Varios studiante tambe tawata tin copia di e examen aki.

Segun e carta ta splica, ta dificil pa sa exactamente cua studiante lo tawata tin e documento aki prome cu e examen a tuma lugar y cua no, pues cua tawata sa e preguntanan (y posiblemente e contestanan) di e examen di antemano y cua no. 

E examen aki a wordo considera ‘nietig’, pues nulo y tur studiante di MAVO cu tin e vak aki mester tuma e examen di nobo dia 25 di april 8:30am. E pregunta ta keda, con e documento aki por a cai den man di e studiantenan? Y tambe si lo tin algun consequencia pa esnan cu a circula e documento aki.