Home Uncategorized Evelyn Wever-Croes: “Mi curason ta cu damnificadonan di Mocoa

Evelyn Wever-Croes: “Mi curason ta cu damnificadonan di Mocoa

SHARE
Mas di 100 mucha a perde nan bida, como mama naturalmente esaki ta hasi mi hopi dolor!
 
ORANJESTAD — Lider di MEP Evelyn Wever-Croes tambe a duna su contribucion na e fundacion Movemento Integracion di Aruba (MIA) cu a organisa un radiothon pa colecta fondo. Manera ta conoci dia prome di april na Mocoa, parti sur di Colombia 312 hende a perde nan bida entre nan mas di 100 mucha, despues cu debi na mal tempo 3 riu a kibra cu un consecuencia fatal pa esnan den e area. 
 
“Nos ta convivi cu e pueblo di Mocoa, y cu e comunidad Colombiano aki na Aruba tambe. Como mama mi ta pensa con e mamanan ta sinti cu a perde nan yiunan. Esey mester ta un dolor inmenso. Ohala cu Dios por duna nan forsa pa nan por supera e situacion cu nan ta aden. Mi ta gradisi fundacion MIA pa organisa e fundraising aki, pa e causa asina noble”, Evelyn Wever-Croes a declara.