Home Uncategorized Awo hobennan tin nan mesun cas pa reuni: Hubentud Orguyoso Talentoso ta...

Awo hobennan tin nan mesun cas pa reuni: Hubentud Orguyoso Talentoso ta inaugura “HOTZONE”

SHARE

Diabierna ultimo, e Hala Hubenil di MEP, Hubentud Orguyoso Talentoso, HOT a trece un gran cantidad di hoben na CEDE di MEP na Santa Cruz pa e inauguracion di HOTZONE. Esaki a resulta den un evento hopi exitoso en bista e cantidad di hobennan cu a asisti y e entusiasmo y e energia positivo cu tin den nos hobennan pa mira un cambio den e rumbo cu nos pais ta bayendo.

E atardi a cuminsa cu un “sticker aktie” unda e hobennan y candidatonan di MEP a para autonan canto di caminda pa ‘plak’ sticker y/of entrega sticker.

Lider di Partido, Sra. Evelyn Wever-Croes a efectua e apertura di HOTZONE. Invitadonan special riba e anochi di inauguracion aki tabata e miembronan di directiva di HOT 2001. Presente na e ocasion tabata e.o. Rachel Baart, Urwin Loefstop y Junior Arends. HOT 2001 e tempo ey a conta cu un grupo di Hobennan Orguyoso y Talentoso kendenan cu nan contribucion a hiba Partido MEP na un victoria aplastante, esta di 12 asiento solido.

E grupo aki y tur e gruponan di HOT di pasado ta sigui como un ehempel pa HOT 2017 kendenan ta trahando cu e mesun entusiasmo pa anima hobennan di nos pais pa join HOT y vota MEP pa asina hunto nos trece e cambio cu Aruba merece.

E anochi a conta cu entretenimento musical di e cantante Eltienne Yarzagaray cu su cantica hit “Bo ta Santo” treciendo un toke diferente na e anochi. E grupo musical Honey Pot bou guia di Chayo Tromp a entretene e publico e resto di anochi.

Bou guia di Lyonel Dirksz, HOT lo continua cu diferente actividad pa hobennan di Aruba. Awo e Hubentud Orguyoso Talentoso tin su mesun espacio hopi bunita, moderno y full ekipa. HOTZONE tey pa trece hobennan dinamico hunto sin miedo y pa trece e cambio pa Aruba.