Home Uncategorized ATCO Indians na cabes di e serie di Baseball Clasico AA

ATCO Indians na cabes di e serie di Baseball Clasico AA

SHARE

ORANJESTAD, Aruba : E campeonato di Baseball Clasico ta continua fuertemente den stadion Nadi Croes/Crismo Angela na Santa Cruz, unda cu ATCO Indians ta dominando e serie di play-off final. ATCO Indians ta ariba den e serie 2-1 contra di Red Machine.

Den e prome wega di POWERADE Play-off Final AA Red Machine a sa di domina ATCO Indians. Red Machine a bay cu e victoria di 15-0 den e play-off final. Hungado mas valioso di e wega a bay pe pitcher ganado Richinell Matos di Red Machine. Matos a picha 6 inning y un tercio, di cual e no a laga ningun careda drenta, a duna 1 base por bola y a logra 10 strike out. Jason Orman di ATCO Indians a bay cas cu e derota. Homerun conecta durante wega a wordo haci pa Enrique Tromp di Red Machine.

Den e di dos wega ATCO Indians a tuma revancha riba Red Machine y a bons bek. ATCO Indians a bay cu e victoria di 10-9 riba Red Machine y esaki a pone cu e serie a wordo empata. POWERADE Player of the Game tabata e pitcher Jonathan Tromp kende a sa di haci un tremendo trabou pa yuda ATCO Indians bay cu e victoria.

E di tres wega un biaha mas ATCO Indians a bay cu e victoria riba Red Machine y ta dominando e serie 2-1. ATCO Indians a bay cu e victoria di 13-7 contra Red Machine. E POWERADE Player of the Game tabata Jason Orman, kende a bati 4-4 y a yuda pusha 3 careda. Tambe el a haci 2 hugada defensivo pa asina yuda e ATCO Indians bay cu e victoria.

Mester menciona cu durante e prome wega, e Director di CITGO Aruba, Alirio Zambrano a lansa e prome bala, sigui pa e di dos lansamento efectua pa Evan Giel di Setar N.V. E di tres picheo tabata na encargo di Ruben Garcia di Power FM. E di 4 picheo tabata na encargo di Clyde Harms, un baluarte di baseball di 88 aña di edad y alabes miembro honorario di ABBA.

Cerbes Balashi ta invita tur hende pa sigui e weganan aki y apoya Bo team preferi.