Home Uncategorized PARTIDO MEP ACTIVO DEN FIN DI SIMAN ARUBA KIER ORDEN Y...

PARTIDO MEP ACTIVO DEN FIN DI SIMAN ARUBA KIER ORDEN Y RESPET BEK!

SHARE

E ultimo fin di siman partido MEP tabata activo riba henter nos isla.
Dangui Oduber tabata tin un actividad sumamente bon bishita den Dakota. Lider di partido Evelyn Wever-Croes a campaña diasabra den Playa y diadomingo den San Nicolas. Guillfred Besaril a campaña den Cura Cabay y Mabon diasabra y diadomingo den Pos Chikito. Endy Croes a campaña den Noord. Luigi Bergen a campaña den San Nicolas. Varios candidato mas tabata activo den nan barionan.

Den tur e barionan cuidadanonan ta pidi pa cambio. Especialmente riba tereno di seguridad. Pasobra e criminalidad cu ta asotando nos pais, no ta aceptable mas. “Aruba no ta Aruba mas” bo ta tende mas y mas.
“Nos kier orden y respet. Nos kier nos helicopter bek. Nos kier e radarnan bek. Hasi Aruba sigur atrobe. Ta locual habitantenan di e barionan ta pidi nos. Y esey ta hustamente nos plan, pa atende cu e tema di criminalidad, y trese bek orden y respet. Cu man duro MEP SI lo combati criminalidad y trese bek trankilidad. Esey ta nos compromiso” lider di MEP a duna di conose.