Home Uncategorized Aksel Samardzic (Beach Tennis): Mi no a spera di a bira Deportista...

Aksel Samardzic (Beach Tennis): Mi no a spera di a bira Deportista di Aña Internacional 2016

SHARE

ORANJESTAD, Aruba – 2 april 2017: Diabierna anochi durante e evento di Premio Excelencia den Deporte 2016, e deportista Aksel Samardzic, kende ta representa Aruba profesionalmente den Beach Tennis, a bira e ganado absoluto den Deportista di Aña Internacional.

 

Aksel Samardzic ta remarca cu e no tabata spera di a bira e ganado absoluto di Deportista di Aña Internacional. “Mi a haya sa algun dia pasa cu mi a wordo nomina y mi tabata hopi contento. Pasobra pa mi tin hopi bon atleta cu ta biaha y haci tremendo trabou den nan deporte. Mi ta train duro, pero mi tabata sumamente contento di a wordo nomina.”

 

Como atleta Samardzic ta mira cu a wordo reconoci como un di e miho atleta di e isla, specialmente awo cu e tin e titulo, esaki ta motiva e atleta pa sigui bay dilanti. “Mi sa cu traha duro, bo ta mira e fruto.” Samardzic ta remarca cu esaki ta un honor pe y ta bay pa mas.

 

Aruba tin hopi atleta heroe pero cu mester wordo reconoci. Deporte ta sumamente importante pe isla, pero no solamente pe isla sino mundialmente. “Mi sa cu eyfo tin hopi atleta di Aruba cu ta haci nan esfuerso, cu ta traha duro manera ami y mi ta sigur cu nos lo haci Aruba orguyoso,” el a termina bisando.