Home Uncategorized Dump di Seroe Lopes na candela, causando hopi daño na nos medio...

Dump di Seroe Lopes na candela, causando hopi daño na nos medio ambiente y salud di hende

SHARE

Tamarijn – Dialuna e area di Paradera y esnan den vecindario di Tamarijn a cuminsa haya holor di huma y cu cada rato tawata bira peor.

Algun rato despues di leu por a wak huma basta halto, pariba di Paradera.
A bin resulta cu un biaha mas e dump grandi situa na Tamarijn tawata na candela.

Den pasado e dump aki a yega di pega candela y cu dificilmente por a page y a keda dianan largo ta huma, causando un molester grandi pa hopi casnan.

Dialuna mainta nos a tuma nota di 1 unidad di brandweer luchando cu algun vlam basta grandi, sin e toxico cu e candela ta manda, mirando cu e ta un dump.

Un chubato tambe na e sitio, segun nos pa yuda cu tera pa basha ariba e e candela.
Den careda di 12’or di merdia, asistencia di polis tambe a ser pidi na e sitio.

Pa banda di 2’or di merdia ainda por a wak huma bayendo halto, menos scur pero keto bay humando. Algo cu posiblemente lo dura algun dia pa e paga “completamente”. Mas unidad di brandweer mester a bay na e dump pa yuda. Dado momento cos a hera bay for di man, momento cu algun habitante a yega pa regla cuenta cu e doño di e dump, polis tawata na e sitio cu a evita un bringamento.

Kizas lo ta bon pa e doño di e dump, cera e area rond y evita cu cualkier hende por yega y cende candela.

Imagennan ta di mainta.