Home Uncategorized Awe ta e “Dia Mundial di concientisacion di Autismo”

Awe ta e “Dia Mundial di concientisacion di Autismo”

SHARE

Oranjestad, – Awe 2 di April ta e dia cu internacionalmente a keda reconoci como “World Autism Awareness Day”, ela a wordo fuertemente encurasha pa tur miembro di Estadonan di Nacionnan Uni, pa tuma medida y haci hendenan mas conciente referente muchanan cu ta autista. E fecha aki a keda ancra den E Resolucion di e Asamblea General di Nacionnan Uni , dia 1 di November 2007.
World Autism Day ta un di e 4 dianan official, cu ta specificamente di Salubridad di Nacionnan Uni.

Riba e dia aki organisacionnan individualmente rond mundo ta topa, pa asina por yuda cu diagnositiconan, tratamento y concientisacion en general cu ta den benificio di tur persona autista.
E prome World Autism Awareness Day tabata na aña 2008.
Na April 2, 2009, activistanan a bay cu 150 stroller den Central Parks, na New York y a laganan atrás pa pone énfasis riba e concientisacion di Autismo, mirando cu un den cada 150 mucha tin chens di ta autista.

E convención riba derechonan di personanan cu descapacidad a reconoce den un di su articulonan, e derecho di autonomía di cada individual y tur persona cu mester por actua independientemente, además e Convencion ta subraya cu mester tin Capacidad Juridico, den tur condicion igual y den tur aspecto di bida.

En cuadro cu e celebración di “ World Autism Awareness Day “, La Cabana Beach Resort tin e honor di presenta un Exposicion di arte “DIFFERENT NOT LESS”.
Exposicion di arte aki lo ta den e Lobby di La Cabana Beach Resort and Casino, for di 3 or di atardi pa 8’or di anochi, entrada ta gratis.
Tambe entre 6’or di atardi pa 7’or di anochi ta bay tin un Wine and Cheese Party.