Home Uncategorized Mas atraco e biaha aki riba un señora cu tabata canando bayendo...

Mas atraco e biaha aki riba un señora cu tabata canando bayendo su cas despues di trabou

SHARE

Oranjestad, – Diabierna anochi pa mas o menos 11 or y mey, polis ta wordo manda cu hopi urgencia den Companashi, den Torricellistraat pa un atraco arma, mesora un patruya di Oranjestad ta bay na e sitio.

Na yegada polis ta bin topa cu un señora, cu tabata hopi spanta, ela declara cu despues di trabou e tabata canando pa bay su cas y na altura di Lucky store, un Toyota Tercel blanco model bieu ta para banda di dje y esnan den e auto ta gaña puntra e señora cuant’or tin, pero e señora no a confia e caso.

Na momento cu ela mira un muher arma cu un cuchiu baha for di e auto, cu intencion di atrak’e, e señora a spanta asina hopi, cu ela cuminsa core duro bay, te ora ela yega den Torrecellistraat, ela logra bati alarma.

Recherche di distrito di Oranjestad tambe a presenta na e sitio y e caso di intento di atraco aki ta den man di autoridad pa mas investigacion.