Home Uncategorized Aeropuerto Da Madeira a cambia nomber y a bira awo Aeropuerto Internacional...

Aeropuerto Da Madeira a cambia nomber y a bira awo Aeropuerto Internacional Cristiano Ronaldo

SHARE

MADEIRA, PORTUGAL- Ocho luna despues cu Cristiano Ronaldo tabata tin e trofeo europeo 2016 den su man, despues cu Portugal a gana Francia 1-0, na Madeira a tuma e desicion pa yama e Aeropuerto di Madeira su nomber Cristiano Ronaldo International  Airport.

Cristiano Ronaldo a gana varios medaya, e ta disfruta di un bon entrada y awo hasta e aeropuerto na Madeira ta carga su nomber. E atleta Cristiano Ronaldo a nace na madeira y na un edad hoben ela conquista curason di pueblo di Madeira y nan ta asina orguyoso di Cristiano cu nan a cambia e nomber di e  Aeropuerto Da Madeira pa Aeropuerto Internacional Cristiano Ronaldo.
Na e airport nan a pone un estatua di atleta cu ta hunga pa Real Madrid.
No ta prome biaha cu Cristiano ta wordo honra cu un estatua, na Funchal unda ela nace y crece tin un estatua di Cristiano di 10 pia halto, ubica dilanti su museo personal.
Durante e ceremonia di reconocimento pa e atleta su logronan, tabata tin varios amigo y famia presente. E presidente di Portugal Rebelo De Sousa tambe tbt presente y den su discurso ela elogia e Atleta Ronaldo di Real Madrid.  Cristiano Ronaldo, den un entrevista a gradici tur esnan presente y tambe e pueblo di Madeira completo, cu a dune e honor grandi aki, di yama e aeropuerto internacional na su nomber, esaki ta algo cu a pon’e sinti hopi orguyoso maske tur hende sa con orguyoso Cristiano Ronaldo ta di su pais y di e cuidad unda ela nace, pero esaki tabata algo hopi special pa Cristiano.