Home Uncategorized Varios atracador arma ta atraca compania di placa na Savaneta

Varios atracador arma ta atraca compania di placa na Savaneta

SHARE

Savaneta – Diabierna atardi den careda di 3’or pasa, momento cu e Hulp Bestuur Kantoor tawata cerando un atraco arma tuma luga.

Señora Rasmijn vocero suplente a duna un relato di e caso aki :
” Pa mas o menos 3:30 di awe diabierna atardi central di polis ta haya un jamada cu ta bisa cu un atraco a cabi tuma  lugar na Hulp BestuursKantoor Savaneta. Ta asina cu na yegada di Patrouille por a compronde cu total 3 hende homber cara no tapa y tur tres cu arma di candela a caba di atraca dos meneer cu a bin busca e placa di dia  e momento ey ( geld transport ).
Un di nan a los un tiro na unda cu danki Dios no a alcansa niun di dos di e meneernan aki. Despues di un un rato un yamada ta drenta na central di polis for di coleganan di opleiding school bisando cu nan ta tras di e atracadornan aki y na altura di  hotel Roy’s, nan ta wak e tres sospechosonan ta subi den dos diferente auto y nan a sali den direccion pabou . Ta asina cu tur unidadnan di polis a cuminsa cu e buskeda  di e atracadornan aki.
Na altura di Franse Pas ta para un Nissan March y na unda ta bay over na detene dos sospechoso. Tambe e mesun momento un otro unidad di polis ta bin topa cu un Nissan Sentra patras di un cas na Pos chikito. Ey nan ta manda Polis technico pa asina hasi su investigasion y tambe ta tuma e auto aki den beslag. Un rato despues na Sabana Basora un unidad di polis ta para un Toyota Tercel y eynan ta detene e chauffeur y tambe ta tuma e auto den beslag.
Total a detene 5 hende. Entre nan dos Arubiano y total 3 auto den beslag. E total di placa cu a bay cu ne ta mas o menos
30.000 florin. Atraco team ta bezig cu e caso. Slachtofferhulp a presenta na e sitio di e sucedido pa atende cu e personanan cu a wak loke a pasa y e dos victimanan di e atraco. Cuerpo policial kier a gradici tur e coleganan pa e bon trabou cu den un corto tempo a sa di jega y detene e sospechosonan.
Nos di Cuerpo Policial ta pidi ken cu por a wak algo jama tip lijn di polis 11141″.
A papia tambe di un dama cu lo tawata cu nan, pero autoridad no ta papia nada si e tambe a wordo deteni.
Na e kantoor di gobierno na Savaneta, ambulance a presenta un di e guardianan cu tawata envolvi y lo tawata levemente herida, tambe nan a bay parti paden pa wak kizas ken mas tin mester di ayudo medico.
E guardianan tawata den e Nissan Sentra, parse cu e Nissan Sentra berde lo a sufri un impacto di bala.
E atraco aki tawata orkestra pa diferente hende, manera e relato mes ta bisa.
Pues asina nos ta wak cu algun dia di “sosiego” y atraconan arma ta continua.
Cuerpo policial a haci nan maximo esfuerzo pa a gara mayoria di e atracadornan aki. Un palabra di pabien na nos Cuerpo policial.