Home Uncategorized FALTA 1 DIA PA “FLIP FLOP FESTIVAL” DI MAS GRANDI DEN HISTORIA!

FALTA 1 DIA PA “FLIP FLOP FESTIVAL” DI MAS GRANDI DEN HISTORIA!

SHARE
Rick Ross Mastermind Press photo 2014

Ta falta solamente un dia pa e di 7 Flip Flop Festival. Diasabra atardi pa 5’or tur cos lo cuminsa riba e beach di Bushiri cu presentacion di Rick Ross, Konshens, The Royal Roots Family of Morgan Heritage, Dj Outkast, Dj Cre8 for di exterior. Mirando cu miles di hende a cumpra nan carchi por premira cu e evento lo ta un yeno total. For di Curacao, Boneiro, Sint Maarten, Miami, New York y otro paisnan tambe tin bastante bishitante cu lo ta presenta pa experencia un di e fesitvalnan di beach mas grandi den Caribe.

Algun di e artistanan a cuminsa yega caba durante dia di diahuebs y e yegadanan lo continua riba diabierna y diasabra. Mescos ta conta pa e trabounan riba e tereno di Bushiri cu ta practicamente cla.

Ta importante pa comparti cu diasabra e prijs di ticket general lo subi specificamente na porta. Ta recomendabel pa cumpra carchi awe mes pa por sigura cu ta probecha di e prijs actual.

Un noticia cu a cay hopi na agrado ta cu hobenan di 16 y 17 aña tambe lo por atende e evento aki pero nan mester bini cu un adulto. E carchinan ta obtenibel na Chill Logo Store situa den Renaissance Market Place dilanti Seaport Cinemas,Citgo Palm Beach, Citgo Boulevard, Citgo Santa Cruz y Citgo Essoville. Na e chill logo store na Marketplace por cumpra tokens caba pa asina no mester para den rij na e evento pa cumpra coy bebe.

 

Lo kier recorda tur automobilista cu e caya dilanti di e Bushiri arena lo ta sera na tur dos banda pa trafico. Ta recomenda pa por parkeer auto den e cayanan paralelo cu L G Smith Boulevard y den e areanan unda e diferente supermercadonan na Eagle ta ubica.
Awenochi lo tin ‘opening party’ na Emotions Nightclub unda lo tin presentacion di Shermanology for di Hulanda cu a yega caba y varios dj local y internacional. Diasabra e concierto mes riba Bushiri Beach Arena ta cuminsa pa 5 or y diadomingo lo tin e Chill Down Pool party na Renaissance Hotel cu Dj Outkast y algun sorpresa internacional.

Flip Flop Party ta un produccion di Elite Productions & Entertainment Sponsored by Chill Beer, CMB y Aruba Renaissance Resort.