Home Uncategorized Wiz Khalifa su comportacion na graf di Pablo Escobar, ta laga un...

Wiz Khalifa su comportacion na graf di Pablo Escobar, ta laga un desgusto grandi atras

SHARE

MEDELLIN, COLOMBIA – Famoso rapper mericano Wiz Khalifa ta desgusta y pone hopi colombiano rabia dor di publica foto di su mes riba instagram ta huma dilanti graf di defunto Pablo Escobar.

Pablo Escobar tabata conoci pa su actonan cu tabata tin Colombia terorisa den añanan 80 y cuminsamento di 90, cu hopi secuestro y asesinato di tur hende cu tabata den su caminda.

E alcalde di Medellin Frederico Gutierrez ta bisa cu Wiz Khalifa mester pidi desculpa pa “promove crimen” y ta bisa cu alcontrario Wiz Khalifa mester a hiba flor na graf di e victimanan di Escobar.

Wiz Khalifa a pone foto di e graf di e defunto hunto cu flor y un joint .Wiz Khalifa ta conoci pa su uso di marihuana, te hasta e tin su mesun marca di marihuana Khalifa kush, cu eta propaganda cu un compania di Colorado.

Locual cu ela haci no a cay den bon tera, paso e Alcalde di Medellin a yama e artista pa un sinberguensa y a sigui  comenta cu loke e artista a haci ta prueba cu nunca el a pasa den sufrimento di violencia, cu e traficantenan di droga ta ocasiona.

Pablo Escobar y su cartel di Medellin ta responsabel pa 4 mil morto y tambe a bombardea un avion y den cual tur 107 pasahero abordo a perde nan bida.

E cuidad di Medellin ta purba di kita e imagine cu nan ta e sede di e cartel despue di e morto di Escobar na 1993.Pa e motibo ey hopi colombiano a rabia ora cu nan a wak e artista a publica fotos di su mes na graf y ex apartment complex di Escobar .