Home Uncategorized Wiz Khalifa a laga hopi Colombiano disgusta despues di a bishita graf...

Wiz Khalifa a laga hopi Colombiano disgusta despues di a bishita graf di Pablo Escobar

SHARE

MEDELLIN, Colombia – E famoso rapper Mericano, Wiz Khalifa, ta disgusta y pone hopi Colombiano rabia door di a publica foto riba instagram di su bishita na graf di defunto narcotraficante, Pablo Escobar.

Pablo Escobar tabata conoci pa a terorisa Colombia durante añanan ’80 y ’90. E tawata responsabel pa hopi secuestro y asesinato di persona. E alcalde di Medellin, Sr. Frederico Gutierrez. ta bisa cu Wiz Khalifa mester pidi disculpa pa a “promove crimen”. E sigui na bisa cu mihor Wiz Khalifa trece flor na graf di e victimanan di Escobar.

Wiz Khalifa ta pone foto di e graf di e defunto hunto cu flor y un cigaria di marihuana. E rapper ta conoci pa ta un consumidor di uza marihuana. E tin su mesun marca/nomber di marihuana cual, yama ‘Khalifa kush’ cual e ta propaganda hunto cu un compania na Colorado, Merca. Su ‘ofrecemiento’ no a cai den bon tera cu e alcalde di Medellin.

E alcalde a yama e artista pa un sinberguensa y ta sigui na bisa cu locual e artista a hasi ta mustra cu nunca e a sufri di e violencia cu e traficantenan di droga a pone hopi pasa aden. Pablo Escobar y su cartel di Medellin ta responsabel pa 4000 mil morto y e bombardeo di un avion cu a mata 107 pasahero riba un avion.

E cuidad di Medellin ta purba di kita e imagen cu nan como e ‘sede’ di e cartel despues di e morto di Escobar na aña 1993. Pa e motibo ey hopi Colombiano a rabia ora cu nan a mira cu e artista a publica foto di su mes na graf y ex-apartmento di Escobar.