Home Uncategorized Presidente di Venezuela Nicolas Maduro ta pidi United Nations pa yuda cu...

Presidente di Venezuela Nicolas Maduro ta pidi United Nations pa yuda cu medicina

SHARE

Venezuela – Presidente Maduro ta bisa cu United Nation (UN) tin e expertisio pa yuda mehora y regula e demanda y distribuimento  di medicina. Federacion Medico di Venezuela ta bisa cu recientemente e hospitalnan tin menos cu 5% di medicina cu nan mester.

Presidente Maduro ta culpa e problemanan di e pais riba un guera economico contra su gobierno y e caida fuerte di prijs di petroleo den e pais. E presidente a bisa diaberna durante un progama televisa cu “ma puntra pa apoyo di United Nations pa yuda trata e problemanan economico y social…”. Oposicion ta bisa cu ta e mal gobernacion di Presidente Maduro ta e culpa di e crisis economico, uno cu ta birando dia pa dia mas pio.

E escasez di cuminda y hopi otro articulonan esencial, ta pone cu e Venezolanonan mester para den rij largo casi tur dia pa por yega na nan cuminda o otro articulo basico. Tin persona bisando cu e presidente su reconocemento cu nan mester ayudo di afo ta mustra con serio e situacion di e pais ta.