Home Uncategorized Minister Paul Croes no ta deteni pero si ta un sospechoso

Minister Paul Croes no ta deteni pero si ta un sospechoso

SHARE

Oranjestad, -Diamars den oranan di atardi despues di un dia largo pa Minister Paul Croes, MInister tabata tin un reunion cu Prome Minister Mike Eman.

Despues di a sali for di oficina di Minister President, e mandatario tabata para pafo ta papia cu Secretaria di Ministerraad Nicole Hoevertsz y cu un otro persona yega na Minister Eman. Por a nota e precupacion grandi riba nan caranan, no ta conoci kiko tabata e resultado di e reunion aki, tin hopi speculacion rond pero nada confirma manera, cu probablemente Minister President lo por a pidi’e pa retira of por ta net robes.

E entradanan hudicial a cay mane un baño di awa frieu pa hopi hende, esaki nunca antes a pasa na Aruba, cu ta haci un entrada hudicial na cas di un Minister, e caso aki tin hopi hende precupa.

Aruba ta pendiente pa mira con e caso grandi aki lo sigi desaroya. Segun Ministerio Publico si tin cualke desaroyo nobo den e caso aki, mesora nan lo manda informacion. Mientras tanto e caso ta keda bou investigacion.