Home Uncategorized Conseho Consultativo den su relato anual di 2016 ta expresa su mes...

Conseho Consultativo den su relato anual di 2016 ta expresa su mes di un forma critico riba e efectividad di e supervision financiero y e areglo di conflicto pa paisnan den Reino.

SHARE

Oranjestad- Conseho Consultativo (Raad van Advies) a publica su relato anual di aña 2016 y diaranson 29 di maart S.E. Gobernador Alfonso Boekhoudt a ricibi e prome ehemplar for di man di voorzitter mr. Frits Goedgedrag. Manera ta custumber e relato anual no solamente ta duna un bista riba e trabounan, pero tambe ta contene algun comentario critico riba e desaroyonan durante e aña 2016.

Raad no solamente ta expresa su mes critico riba e supervision financiero pero tambe  ta tuma un posicion contra e proposicion di Hulanda pa no pone e areglo di conflicto pa paisnan den Reino den man di un juez independiente. Conseho Consultativo di Aruba no ta para su so cu e critica aki: durante e Caribische Radenoverleg na 2016 a dicidi cu tur tres Consehonan Consultativo di e paisnan di Caribe den Reino lo vocifera e mesun opinion critico aki na nan respectivo gobierno. Esaki tambe a tuma lugar na 2016 pa medio di un conseho extenso cu Raad di su propio boluntad a duna na Gobierno.

Pa locual ta trata e supervision financiero Raad ta constata cu e normanan di e Ordenansa estatal supervision financiero temporal Aruba (Landsverordening Aruba tijdelijk financieel toezicht) no ta efectivo y cu ta haci masha poco pa un finanzas publico duradero y sostenible. Esaki lo mester bira un punto di atencion cu continuacion di e supervision financiero na 2018.

Esaki y hopi mas por  lesa den e relato anual, publica na www.rva.aw bou di  ‘Publicaties’.