Home Uncategorized Accidente na Bubali a laga un persona herida atras, chauffeur burachi ta...

Accidente na Bubali a laga un persona herida atras, chauffeur burachi ta e causante

SHARE

Bubali – Diamars anochi pa mas o menos 11’or polis ta wordo manda cu urgencia altura di Yami Yami situa na Bubali Commercial Center.

Na prome instante a papia di un accidente basta serio, pero na yegada di polis a constata cu ta un persona herida tin e no ta dje grave ey, pero si mester di ambulance.

A resulta cu e chauffeur cu a ocasiona e accidente tawata bou influencia. Ta asina cu e Chevrolet cu e tawata na stuur di je a kita bay na su man robes y ta dal un Jeep Wrangler.

Pa mala suerte di e doño di Jeep ta cu, net e momento ey e persona na stuur tawata bezig ta test drive e Jeep pa wak si e ta cumpre.

E chauffeur di e Chevrolet a wordo deteni y transporta pa warda, mientras ambulance a bay cu e chauffeur di e Jeep cu tawata keha dolor na pecho.