Home Uncategorized Pitbull ta herida cacho crioyo despues cu esaki a sali na defensa...

Pitbull ta herida cacho crioyo despues cu esaki a sali na defensa di un mucha

SHARE

Diasabra atardi presencia di polis ta wordo rekeri na un cas na Pos Abou, pa motibo cu un pitbull ta atacando un cacho crioyo, mesora polis ta bay na e adres.

Na yegada nan ta bin compronde cu e bisiña tin 4 pitbull, elo a laga su porta di cura habri y dos di e pitbullnan a sali pafo y a bay na e cas, unda tabata tin un mucha pafo y e pitbullnan a bay pa ataca e mucha, mesora e cacho crioyo a sali na defensa di e mucha y a cuminsa bringa cu e pitbullnan.

E doño di e cas a sali pafo y a ripara cu e pitbullnan tabata tin su cacho gara, mesora ela coi un hooivork y a cuminsa sutanan cune te kibra esaki. Ela dicidi di pasa man pa un baranca y despues ela coi un tubo y a keda suta e pitbullnan te ora nan a laga e cacho los. E pober cacho crioyo yen di dolor y awa na wowo a core sconde bou di un auto. E cacho a keda herida y den e pelea ela perde un pida orea.

Polis a hala atencion di e doño di e pitbull, pa ta mas cauteloso cu su cachonan, mirando cu e ta un cacho peligroso. Tambe e polisnan a exigi di e doño di e pitbullnan pa cubri tur gasto medico y un compensacion pa e daño cu su pitbullnan a causa e cacho crioyo balente aki.