Home Uncategorized Ministerio Publico a confirma Minister Paul Croes como sospechoso den caso di...

Ministerio Publico a confirma Minister Paul Croes como sospechoso den caso di corupcion

SHARE

 

[fvplayer src=”https://www.youtube.com/watch?v=aZ_5xSHJoTU”]

 

Oranjestad, Aruba – Den oranan di diamars mainta, un entrada hudicial a tuma lugar na cas di Minister Paul Croes na Esmeralda, Noord, tambe na cas di varios otro ambtenaar. Informacion ricibi ta indica cu a haci entrada hudicial na un total di 13 cas y tambe algun otro establecimento, manera negoshi y un stichting.

Varios departamento y unidad hudicial tawata envolvi den e accion aki, RST, KPA,  landsrecherche, FIOD y tambe algun otro instancianan Hulandes. Durante e entrada hudicial, varios material a wordo confisca. Documentonan administrativo y tambe otro documentonan cu probablemente ta contene informacion valioso pa e investigacion di Ministerio Publico (OM) a wordo confisca.

11’or di mainta OM a tene un rueda di prensa pa asina informa e comunidad di e acusacionan cu tin contra e minister. Nan a splica cu informacion riba Facebook, conhunto cu relato di testigonan, a conduci na e entrada hudicial aki. OM a splica cu e caso aki ta relaciona cu corupcion di permiso pa stranhero. E minister ta wordo sospecha di soborno, pues e lo a tuma algun ‘regalo’ y a cambio a duna permiso.

OM no a bay na detencion ainda, pero cu e documentonan cu nan a confisca lo sigui reenforsa nan investigacion y sigur detencion lo por cay.