Home Uncategorized Ladronnan ta horta Safe pero ta horta e safe bashi y ta...

Ladronnan ta horta Safe pero ta horta e safe bashi y ta laga esun cu contenido keda

SHARE

Dialuna den oranan di marduga, algun persona cu ta biba cerca di Do-it-Center na Savaneta, ta scucha  basta desordo manera cu nan ta kibrando glas biniendo di e edificio di Do it Center, mesora nan a bay tira bista y a mira tres persona pafor di e edificio lastrando algo pisa y nan a subi un Skyline Shinishi y a bandona e sitio bayendo direccion pariba.  Mesora nan a avisa polis.

Na yegada e habitantenan a conta polis loke nan a scucha y mira, polis a bay tira bista rond di e edificio y a bin nota cu e ladronnan a kibra e hekwerk di parti patras , nan a kibra e glas y pa asina por a drenta den e oficina y ba cu un di e safenan.  Probablemente tabata tin dos safe den e oficina y e ladronnan den nan ansha a bay cu esun bashi y a laga e otro cu contenido keda atras, ta te ora nan tuma e esfuerzo di kibra e safe  y habri’e nan lo ripara cu tur nan esfuerzo y plan di ladronicia a fracasa.