Home Uncategorized Conoci di polis ta bira razo riba polis, despues cu a gare...

Conoci di polis ta bira razo riba polis, despues cu a gare actuando sospechoso den su auto pafor di warda di polis

SHARE

Dialuna den oranan di madruga polisnan alerto na warda di polis na Shaba ta nota un auto sospechoso cerca di Warda, cu motor cendi y den neutral para cara pariba manera cla pa sali.

Den oranan mas tempran nan a wordo informa cu nan coleganan di Warda di Santa Cruz na momento di a subi warda tambe a nota un auto sospechoso den cercania di Warda di Santa Cruz.

E polisnan na Shaba no a confiansa esaki y mesora a drenta den accion y a gara e sospechoso J.P.C. kende ta un conoci di husticia. Na momento cu nan a bay pa detene ela cuminsa resisti fuertemente, pero asina mes polis a logra domin’e. Aparentemente e conoci di polis aki no tabata su so den auto, su ruman homber tambe tabata cune pero esaki a logra huy.

Polis a detene J.P.C. y a confisca su auto . Probablemente nan lo a purba pasa droga pa e detenidonan cera na Warda di Shaba.  E detenido tabata hopi furioso y polisnan mester a lucha cune paso na dado momento e kier a te hasta kibra e porta di warda y tabata menasando varios polis presente cu morto, mirando su intencion un rato prome na warda di Shaba, polis a opta pa transport’e pa un otro Warda di polis.