Home Uncategorized Tiroteo den un nightclub na Cincinnati ta laga 15 persona herida y...

Tiroteo den un nightclub na Cincinnati ta laga 15 persona herida y un morto

SHARE

CINCINNATI, MERCA – Diadomingo, poco despues di 1or di marduga, DJ di e nightclub, Cameo, ta pidi varios biaha pa security. E motibo pa esaki ta paso durante un tiroteo un persona a fayece y 15 otro a keda herida. E persona cu a fayece ta wordo identifica pa polis como, O’Bryan Spikes, di 27 aña.

Un medida di seguridad cu ta wordo tuma na e entrada di e nightclub ta cu e bishitantenan ta wordo controla cu un aparato electronico pa asina verifica si e persona por tin un arma cu nan. Asina mes cu esaki ta wordo haci na entrada, polis a confirma cu por lo menos 7 persona a logra drenta cu arma.

E tiroteo no ta wordo considera un acto di terrorismo. Polis ainda no tin niun sospechoso deteni. Si nan tin un investigacion andando y ta entrevistando e victimanan di e tiroteo pa asina por yega na e persona responsabel. Mester menciona cu e club ta conosi pa tin su problemanan.

E alcalde di Cincinnati, John Cranley, ta splica cu su ciudad a keda den un tristesa inmenso despues di e tragedia aki. E a pidi pa tur hende den e communidad pa uni.