Home Uncategorized Pelea despues di boksmento na San Nicolas, caminda cu tres agente policial...

Pelea despues di boksmento na San Nicolas, caminda cu tres agente policial tambe a haya golpi

SHARE

San Nicolas – Diasabra mainta trempan polis ta bay e crusada Berhardstraat cu Lagoweg, pa un boksmento.
Pero e agentenan no tawata sa kiko ta speranan.

Un simpel boksmento a cu dos agente femenino a ricibi golpi na ribchi y otro na cabes, e di tres agente posiblemente tambe a haya sla pero no sa con serio.
Na yegada e partidonan tawata ya den discussion formal cu otro, caminda cu e agentenan a sinti cu e situacion ta hopi tenso caba.

Dado momento segun nos a compronde, den fraccion di algun seconde un bringamento formal a start, dilanti e agentenan. Aki ta caminda cu mas cu claro como autoridad nan a bay pa stop e pelea.
Esnan envolvi no a importanan nada y di un of otro manera e agentenan aki cu ta dos dama y un cabayero tambe a haya sla.

Refuerso a wordo pidi, pero tawata mustra manera un eternidad pa nan a yega na e sitio. Na yegada di e otro patruyanan manera Flexteam, tur esnan envolvi a wordo deteni.

E agentenan envolvi lo a mester a haya trato medico y lo a wordo transporta cu ambulance.

Polis di trafico a ser pidi pa trata e caso. Lo tawata trata di un falta di preferencia, cu a termina den agression. Ambos auto a wordo tuma den beslag pa mas investigacion.

Hopi biaha, situacionnan ta bira tenso ora tin boksmento, caminda tin chauffeurnan cu no ta compronde e situacion y ta bira agresivo y kier bringa, of ta trata na intimidad e otro partido.

Nos ta desea e agentenan tur cos bon.