Home Uncategorized Partido MEP ta den movecion y mas uni cu nunca

Partido MEP ta den movecion y mas uni cu nunca

SHARE

Luna di maart sin duda tabata un otro luna di exito pa partido MEP y Aruba en general. Nos a cuminsa e luna cu varios actividad na unda cu nos a mustra pueblo nos vision pa cu e proximo gobernacion. Den cada skina cu MEP a drenta y den cada actividad di e partido, ciudadanonan ta vocifera nan deseo pa cambio di rumbo di nos pais. Pueblo kier mira y sinti e cambio aki y MEP su plan pa solucionnan pa mehora e pais aki ta duna e pueblo e siguransa cu e cambio ta na caminda.

MEP den barionan:

MEP a drenta masalmente den varios barionan di Aruba cu nos mensahe di speransa. Candidatonan di MEP a cuminsa mas activo pa bishita casnan y scucha loke realmente ta biba den nos pueblo. E preocupacionnan ta grandi. MEP lo bin cu solucion pa e problemanan cu ta biba den nos comunidad.

 

 

E hala hubenil di MEP, HOT

 Hubentud Orguyoso Talentoso a tene diferente reunionnan y charlanan cu lider di MEP, Evelyn Wever-Croes y algun candidatonan. MEP ta scucha e voz di e hobennan den Campaña 2017. Nos ta envolve nos hobennan hopi den nos campaña, pa lanta nan interes den politica. Asina nos ta crea hobennan responsabel den nos pais, y cu ta sinti e responsabilidad den decisionnan di nos pais. E hobennan di HOT ta envolvi tambe den nos bishitanan den bario. Partido MEP y HOT ta invita tur hoben entre 18 pa 35 aña pa forma parti di HOT. Por contact nos via pagina di Facebook HOT-MEP.

MEP ta honra baluartenan:

Den varios ocacion nos a reconoce nos baluartenan cu a traha duro pa nos partido desde su fundacion. Nan ta esunnan cu a traha e fundeshi pa asina awe nos por sigui construi pa un pais.

“Sticker aktie”

Hunto candidatonan a para banda di caminda dilanti di CEDE di MEP na Santa Cruz pa plak sticker di MEP na autonan cu a yega cerca. Trafico a bira slow pa e ambiente cu tabatin riba caminda.

Apertura di Campaña 2017

Un multitud grandi a presenta na CEDE pa e apertura di nos Campaña 2017. MEP a presenta nos Logo y Slogan Nobo pa Eleccion 2017. Hunto p’e Cambio. #sinmiedo a bira nos Slogan pa e victoria.

 

 

 

 

 

Himno y Bandera

Hisamento di e bandera mas grandi di Aruba                                                                                       Riba un anochi cu un publico bastante emociona, nos a hisa e bandera di mas grandi di Aruba. Esaki ya a bira un custumber di cada aña pa nos. Hunto nos a rindi homenahe na nos Himno y nos Bandera.

MEP ta homenahea candidatonan y ex candidatonan

Como gradicimento na cada candidato cu durante 46 aña a parece riba nos lista, MEP a homenahea nan pa nan trabou y e tempo cu nan a duna na nos partido. A toca e honor na lider di MEP, sra Evelyn Wever-Croes di entrega un homenahe na Nel Oduber, su señora Glenda, su yiunan y tur rumannan di Nel. Durante e 25 aña cu Nel a lidera partido MEP, y durante e 4 gobiernonan di MEP, su famia a sacrifica masha hopi mes y mes momento tabata un sosten grandi pa Nel.

Celebracion

18 di maart nos a celebra na grandi atrobe nos Himno y Bandera. Un multidud grandi a bin celebra hunto cu nos. Gruponan musical un biaha mas a trece un dushi ambiente.

Hunto p’e cambio. MEP ta moviendo tur dia pa trece cambio pa nos pais. Hunto nos lo logra cambia e rumbo di e pais aki pa miho. #sinmiedo.