Home Uncategorized Ladronnan ta usa pick up pa destrui luik na Win Tung pa...

Ladronnan ta usa pick up pa destrui luik na Win Tung pa drenta horta

SHARE

Rudolf Arendsstraat – Diabierna marduga den careda di 1:30 polis a wordo pidi na Win Tung Home Center, caminda un auto a trata di drenta e luga.

Na e yegada polis ta wak mes ora cu aki no ta un accidente, pero mas bien un caso di kiebro, e luik cu ta baha pa proteha e edificio tawata completamente destrui.

Un habitante cu a scucha un zonido fuerte a sali wak y asina a alerta e doño.
Ta asina cu un pick up Nissan double cabin ta esun tras di e kiebro aki.

Una bes cu e a logra destrui e luik, nan a drenta paden y bay caminda e safe ta y sali cu esaki. Pero, den e safe tawata tin solamente 500florin pa change di cashier.

Loke nan lo a bin pe mes a keda y e tawata cerca di e safe, esta 25mil florin. Pues e ladronnan aki tawata sa bon cu tin basta placa eyden, pero a faya .

E parti caminda esnan responsabel di e caso aki mester ta basta preocupa awor aki ta cu, camara di seguridad tin tur cos capta.
Dus, nan mester biba cu e realidad cu ta cuestion di algun dia pa autoridad haci nan un bishita.

E sistema aki pa drenta horta den negoshi a ser usa basta biaha no mucho tempo atras.