Avenida Milo Croes – Diabierna marduga pa mas o menos 5:30 polis y ambulance ta bay e crusada di ex Kooyman, situa na Dakota pa un accidente cu varios persona herida.
Na yegada nan ta haya ambulance na e sitio y nan ta wak cu e accidente lo tawata entre un Toyota Tercel y un Van autobus.
E Tercel lo a subi e crusada si duna preferencia na auto bus.
Causando asina ey e accidente, caminda e Tercel mes a bay para mas pabou contra cura di Plaza Book Shop.
Tanto e chauffeur y otro dos persona den e Tercel a resulta herida, den e auto bus tambe algun persona tawata keha di dolor.
Tur esnan herida a wordo atendi door ambulancenan cu a presenta y esnan cu mester a wordo translada pa hospitaal a wordo hiba.
