Home Uncategorized 45 ANJA HISTORIA MEP ENTREGA NA BIBLIOTECA NACIONAL

45 ANJA HISTORIA MEP ENTREGA NA BIBLIOTECA NACIONAL

SHARE
Partido MEP den cuadro di celebracion di 45 anja, a publica e historia di 45 anja MEP. E publicacion aki a wordo entrega na tur candidato y ex candidato di MEP como reconosemento y homenage na nan aporte na e gran historia aki.
Den e publicacion por haya informacion di fundacion di partido, y e desaroyo di partido te cu awor. No ta tur e logronan por a wordo inclui den e publicacion aki, pero sigur lo wordo inclui den e sigiente edicion.
Awor e publicacion a wordo entrega na directora di Biblioteca Nacional sra. Astrid Britten, pa asina e bira parti documenta di nos historia.
Na e ocasion aki tabata presente lider di partido MEP Evelyn Wever-Croes y miembronan di directiva di MEP Setty Christiaans y Manolo Giel.
E publicacion ta na benta na Cede di MEP pa 5 florin.