Home Uncategorized Pareha turista Hulandes ta bira victima di atraco arma ariba Aruba

Pareha turista Hulandes ta bira victima di atraco arma ariba Aruba

SHARE

Palm Beach – Diaranson anochi den careda di 11’or polis ta wordo informa cu ariba e walk way entre Riu Palace y Hilton, esta na altura di Palm Pier un pareha turista a wordo atraca.

Mes ora polisnan a cuminsa mobilisa den area y chek tur e posibel rutanan cu e atracador of atracadornan por usa pa huy.

Lamentablemente nan no ta bin haya descripcion di e atracador, cu lo tin apariencia Asiatico.

Señora Rasmijn vocero suplente di cuerpo policial tin e siguiente relato :

“Pa mas o menos 11’or di anochi Centraal di Polis ta haya un yamada bisando cu dos turista riba e gang entre Rio Palace y Hilton a caba di wordo atraca. Na yegada di patrouille e pareha turista hulandes ta conta cu canando un homber ta sali aribanan cu un arma di candela y no a papia pero tabata mustra riba nan y fula nan sakonan y nan a spanta y dune plaka mas o menos $130,- paki sigaria y e renchi zilver di e señora turista. E sospechoso tawata tin bisti flanel blanco, carson preto y jacket preto. Color di cuero bruin y no tawata tin cara tapa. A hiba e turistanan na oficina di strandpolitie y eynan Atraco Team a wardanan y tuma e caso over. Slachtofferhulp tambe a presenta pa asina asisti e turistanan”.

Dialuna atardi den dia cla, un pareha turista procedente di Argentina ta wordo atraca cu arma di candela dilanti Superfood. E dia ey tambe a papia di un atracador color bruin.