Home Uncategorized Pareha Mericano victima di un atraco arma fracasa, atracador lo a purba...

Pareha Mericano victima di un atraco arma fracasa, atracador lo a purba tiranan

SHARE

[fvplayer src=”https://www.youtube.com/watch?v=4maKeoIo88g&feature=youtu.be”]

J.E. Irausquin Boulevard –

Diaranson un rato despues di e atraco ariba e pareha hulandes na Palm Pier, security guard di Tamarijn Resort ta pidi pa polis.
E motibo tawata cu dos guest di nan ta yega e resort y ta bisanan cu nan a bira victima di un intento di atraco cu arma di candela.

E pareha Americano cu segun nos a compronde na e hotel ta dos agente policial na merca, lo a defende nan curpa, door di bringa bek.

E pareha a splica e polisnan cu nan tabata canando riba e walkway entre Divi cu Tamarijn y diripiente un auto blanco hatchback di dos porta glas getint ta para, un homber latino ta baha cu un glock den su man y ta exigi e tas di e turista, mirando cu e turista ta un agente policial na merca ela reconoce ki arma e ta. E atracador a keda purba ranca e tas, pero esaki no a logra. Tambe segun a pareha, e atracador lo a purba tira nan, pero esaki no a logra mirando cu aparentemente e arma a pega of e lo no tawata garga.

Polisnan a tuma datos y atraco team y tambe slachtofferhulp lo a mester a bay Tamarijn Resort pa haya tur informacion. Lo ta trata di e mes un atracador di un rato prome, e pareha Mericano a discribi e persona y tambe su bisti, tur ta cuadra cu e atracador di e pareha Hulandes.

Pues den dos dia ariba Aruba, tres pareha turista, di diferente nacionalidad, dos ta bira victima di atraco arma y uno victima di atraco arma fracasa cu por a costa nan bida, si e glock a tira.