Home Uncategorized MEP CU MEGA CELEBRACION CULTURAL DI DIA DI HIMNO Y BANDERA

MEP CU MEGA CELEBRACION CULTURAL DI DIA DI HIMNO Y BANDERA

SHARE
TA. CRUZ — Ya pa dos aña consecutivo partido MEP ta celebra dia di Himno y Bandera na forma grandi. Awe nos kier enfoca riba e aspecto cultural y historico.
Partido MEP kier contribui na e conosemento y desaroyo historico di nos cuidadanonan y pesey ta organisa un Expo, cu a wordo bishita pa centenares di persona. Den e Expo por a lesa y mira mas di e bida y lucha di Betico y Nel pa nos Status Aparte, tambe di e historia di MEP y di partido MEP actualmente.
Mientras paden den Cede e invitados por a gosa di e Expo, pafo riba escenario, tabata tin un magno show cultural, cu canto y baile di nos artistanan. Tur esaki tabata bou guia di HOT y Lyonel Dirks.
A invita varios grupo di baile tanto di muchanan como di adultonan pa deleita e publico cu nan baile, y mester bisa cu tur esaki a cai den masha bon tera.
Y no por a keda afo entretenimento pa nos muchanan cu dyno jump, popcorn y cotton candy.
E standnan di cuminda crioyo tabata un factor cu a atrae hopi hende na Cede.
Tur cu tur un MEGA celebracion, pabien partido MEP pa tene nos cultura, nos historia y nos tradicionnan na halto.