Home Uncategorized Lotto di Dia “loco” a paga premio di 55 mil florin

Lotto di Dia “loco” a paga premio di 55 mil florin

SHARE

ORANJESTAD, Aruba – Riba Diasabra 4 di maart tabatin sorteo di Lotto di Dia unda e numbernan ganado a resulta  05-06-09-11-14. E feliz ganado a cumpra un ticket loco na Lucky Mac. E no tabata sa cu el a gana e tremendo suma te ora cu el a bay scan su ticket y e mashin a zona indicando cu e tabatin un premio pendiente pa cobra. E ora e rebendedo a splik’e cu el a gana Lotto di Dia cu e bunita suma di 55 mil florin.  Asina ey, el a sali pafo di contento ta grita pasobra el a gana e jackpot aki.  Di parti di Lotto, E Loteria di Aruba, hopi pabien!

Lotto, e loteria di Aruba tin diferente wega; Catochi, Big 4, Zodiac, Wega di Number Korsou di Lotto, Lotto di Dia, Lotto 5, Mini Mega cu su Mega Plus y e diferente weganan di Raspa y Gana. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.