Home Uncategorized Destinacion pa resto di placa Fondo Desaroyo Aruba

Destinacion pa resto di placa Fondo Desaroyo Aruba

SHARE

ORANJESTAD/DEN HAAG – E 16 miyon florin (mas o menos 9 miyon Euro cu a resta di e Fondo Desaroyo Aruba (FDA) riba termino corto ta bay wordo uza pa drecha entre otro caminda y demas infrastructura, ocasiona door di mal tempo na Aruba na november 2016. Tambe e placa ta wordo hinca den bon gobernacion, desaroyo sostenibel, mantencion di ley, enseñansa y proteccion di naturalesa. E placa pa proteccion di naturalesa ta principalmente destina pa proteha e rifnan di coral. Esaki ta loke cu Minister President Eman y Minister di Asuntonan Interior y Relacionnan di Reino, Ronald Plasterk, a acorda diaranson.

Den cuadro di e relacionnan di cooperacion nobo entre Aruba y Hulanda, den e periodo di 2000 y 2016 a ehecuta seis programa di varios aña na Aruba. Ambos pais a hinca placa den e fondo di desaroyo aki, Fondo Desaroyo Aruba (FDA). FDA den e periodo aki a financia 763 proyecto cu un balor total di 500 miyon florin, dividi den e sectornan: calidad di gobernacion, salubridad, desaroyo economico duradero, mantencion di ley y Producto Aruba. Fin di september ta drenta e pago final di Fondo Desaroyo Aruba.