Home Uncategorized Atracador arma ta bay cu 100mil florin diahuebs mainta

Atracador arma ta bay cu 100mil florin diahuebs mainta

SHARE

Totolicastraat – Diahuebs mainta otro informacion ta drenta cu un persona turista lo a bira victima di atraco arma.
Diahuebs mainta den careda di 9:30 un grupo di Venezolano cu ta handle cu barconan cu ta bin di Venezuela a wordo atraca.

E comerciante lo tawata para pafo di dicho adres ta warda, mientras mas hende cu e tawata cune a bay paden. Dado momento ta aparece e atracador, cu posiblemente mes un similaridadnan di esun di ayera nochi, cu arma di candela den man y bay cu placa cu mester a wordo entrega na douane.

Señora Rasmijn vocero suplente di cuerpo policial tin e siguiente relato :

“Diahuebs mainta pa mas o menos 9:30 central di polis ta haya un jamada bisando cu un atraco lo mester a tuma lugar na altura di totolicastraat. Ta asina cu na jegada di patrouille e persona hende homber ta bisa cu e ta un tripulante di e un boto di carga cu ta bin di Venezuela . E ta e persona cu lo ta encarga pa cumpra loke ta whisky y sigaria pa bende den exterior. E ta declara cu jegando na e negoshi ( tramite di papelnn di adouane etc. )cu tin na totolicastraat un hende homber habla spaño y NO cara tapa a saka un arma di candela y a bai cu e tas cu plaka y documentonan. E sospechoso tabata tin un pechi bisti y tambe un zonnebril y sweater blanco y jeans . E sospecho lo a core bai na pia direcion di Alablancastraat. K-9 a presenta ne sitio tambe y hunto cu otro unidadnan di polis a cuminsa busca den bencidario pero no a logra topa cu e sospechoso. E suma cu ta papia di dje ta riba afl 100.000,- . Atraco Team a presenta ne sitio pa asina sigui cu e investigacion y tambe Departamento di Slachtoffer Hulp . Ken cu por a wak algo jama tiplijn di polis 1114”.

Segun e mes un Venezolanonan aki, e atracador lo por ta un hende cu ta ariba waf mes, pues un hende cu ta ariba barco.

Un caminda e fout ta sinta y tur hende sa unda e ta.
Huzga pabo mes. Atraconan lo continua y tanten no drecha e “buraco grandi”, asina nos hendenan y tambe turistanan lo keda core peliger.