Home Uncategorized Venezolanonan bandonando nan cachonan ariba caya, situacion economico ta e causante

Venezolanonan bandonando nan cachonan ariba caya, situacion economico ta e causante

SHARE

Venezuela – E costo halto di cuminda pa animal y specificamente cachonan ta hiba hopi Venezolano na e desicion di bandona nan mascotanan. Door cu a bira dificil pa mantene nan.
Loke nan ta haciende na Venezuela ta keda cu e cachonan adulto y laga e puppies nan unda cu ta, bandona. E motibo ta cu e puppiesnan mester mucho mas atencion y ta costa mas placa, nan prome lunanan di bida.

Asina a pasa diaranson mainta na Judibana na Los Taques. Un pick up a para y a baha un caha y a bay, mes ora un habitante a core bay wak kiko e ta y ta haya cuatro puppy, tur ta hembra.

E puppiesnan a wordo recogi y a duna nan di come y bebe, tambe e noticia a wordo poni ariba red social, caminda cuatro famia a adopta e puppiesnan.
Esaki ta apenas un muestra di kiko e pais ta pasando aden. Producto di un scenario economico destrastroso cu Venezuela completo ta bibando aden.

Varios grupo di animal rights na Venezuela ta pidi esnan cu no kier nan animalnan mas, pa dunanan pa adopcion y asina evita bandonanan ariba caya pa nan cuenta.

No ta na Venezuela so ta presenta situacionnan asina aki, na Aruba tambe aunke no den mes un escala, ta pasa cu tin algun persona ta busca un caha di carton y sea ta pone pushi of cachonan puppies un caminda y si suerte ta cu nan un persona di bon curason ta pikinan y duna nan un hogar.

Stima animalnan, nan no por bisabo “mi tin sed” of ” mi tin un dolor”, yudanan nan y si bo no kier of por wak mas pabo mascota cu ta parti di famia, pone ariba red social y wak ken si ta interesa. Pero no laganan bandona ariba caya of den mondi.