Home Uncategorized Posibel atake terorista na Inglatera ta laga varios persona herida

Posibel atake terorista na Inglatera ta laga varios persona herida

SHARE

London, Inglatera – Den oranan di atardi na Westminster, London un atake ta tuma lugar y varios persona ta resulta herida. Un persona den un Hyundai i40 a core subi e brug di Westminster y ta atropea varios persona. E chauffeur di e vehiculo a core te ora cu e a yega e cura di e ‘Palace of Westminster’, pues e parlamento Ingles.

E persona, cual ta ser bisa cu ta un cabayero a pasa cu e vehiculo kibrando y pasando door di e entrada. E cabayero a hinka un oficial cu cuchiu. Testigo di e incidente a bisa cu polis a tira e agresor momento cu e a purba aserca un otro agente.

Un miembro di parlamento, David Lidington, a splica cu “Tin mas caso di incidente violente den e vecindario di e Palacio di Westminster”. Lidington no kier a bay den mucho detaye di locual ta pasando.

Scotland Yard su unidad di contraterrorismo ta parti di e investigacion andando. Como un medida di precaución, e cuidad di Londres por completo a keda cu riba un alerta, pero polis ta spera cu lo no tin mas incidente.

No tin mucho informacion di cuanto persona total a keda herida o cuanto persona a fayece.