Home Uncategorized Fraccion di MEP: IMF TA PREOCUPA PA E DEBE DI ARUBA, TURISMO...

Fraccion di MEP: IMF TA PREOCUPA PA E DEBE DI ARUBA, TURISMO Y E ECONOMIA SWAK

SHARE

Diamars ultimo lider di MEP Evelyn Wever-Croes y parlamentarionan Ady Thijsen y Guillfred Besaril a reuni cu representantenan di IMF na Banco Central.
IMF a expresa nan preocupacion riba crecemento economico di Aruba. Economia di Aruba tabata y ta sigui hopi swak, no tin mucho crecemento.
E unico speransa ta e refineria, maske no tin informacion concreto ki dia por spera e re-apertura.

Di nos banda nos a expresa nos preocupacion pa cu e debe di pais Aruba pasobra un debe halto asina tin un impacto negativo riba crecemento economico. IMF a indica cu 84 pa 85 % di debe manera Aruba a conoce ta alarmante y a indica cu gobierno mester pone mas esfuerso pa baha esaki.

IMF ta comparti e preocupacion di Fraccion di MEP cu gobierno no a tuma medidanan structural pa soluciona e problemanan financiero di pais Aruba. Tambe IMF ta preocupa con e tantisimo PPP nan lo influencia e posicion di debe di gobierno y lo menciona esaki den nan rapport.

Riba turismo tambe IMF a duna un statement di a mira cu Aruba su resultadonan riba turismo ta mucho mas malo cu otro destinacionnan similar. Fraccion di MEP tambe a remarca esaki. IMF a cuestiona Gobierno riba esaki y Gobierno su contesta ta cu ta deliberadamente a scohe pa no crece den cantidad solamente den calidad.

E informacion aki tampoco ta cuadra cu realidad pasobra e turista cu ta gasta hopi placa na Aruba no ta bin Aruba mas tampoco. IMF a keda preocupa cu esaki.

IMF lo traha su rapport una bes nan keda cla cu tur analisis y lo publica esaki. Un cos ta sigur, e situacion no ta asina bunita manera Gobierno ta pretende.