Home Uncategorized Polisnan participando den un simulacro di tsunami

Polisnan participando den un simulacro di tsunami

SHARE

Palm Beach – Den oranan di mainta varios instancia, manera DOW y tur unidad di polis a participa den un training (simulacro). E training aki ta pa prepara diferente instancianan pa e accionan cu mester wordo tuma. E simulacro ta prepara nan pa un evento di un temblor di un magnitud di 8.2, cual ta causa un tsunami cu olanan di 1 pa 3 meter halto.

Varios unidad di polis a bay para na postnan strategico, manera rotondenan. Segun cu por a compronde di e training ta cu e lugarnan mas sigur ta Tanki Leendert y Paradera. Na Paradera lo tin varios lugar cu lo sirbi manera shelter pa esnan cu mester a evacua nan hogar. E shelternan ta lugarnan cu amplio espacio pa tene hende, manera e misa, MFA o e scolnan den e area. 

Informacion cu nos a ricibi ta indica cu mester mas training pa un evento di tsunami. E agentenan responsabel pa informa habitantenan di Malmok pa evacua no a logra, den e tempo corto, pa avisa tur persona y tambe pa bin bek Paradera. Tambe ta wordo bisa cu mester mas personal pa por yuda den un evento asina.