Home Uncategorized LIDER DI MEP TA DUNA RECONOSEMENTONAN MAMA ITA

LIDER DI MEP TA DUNA RECONOSEMENTONAN MAMA ITA

SHARE
Lider di MEP hunto cu e hobennan di HOT a bishita Boliviastraat pa asina entrega un reconosemento na sra. Margarita Hernandez-Villaroel. Señora Margarita, cariñosamente yama Mama Ita, a sostene partido MEP desde cu el’a bin bia na Aruba. E ta un sostenedor fiel, pero mirando cu awor e no ta cana mas, lider di MEP Evelyn Wever-Croes a bai bishite na su cas pa entrege e reconosemento.
“Nos ta reconosiendo nos hendenan cu a funda nos partido, y a sostene nos partido durante e 46 añanan di existencia. Nos tin hopi hende pa reconose ainda, pasobra ta miles di persona a sostene nos partido durante 46 aña. Algun lamentablemente ya a fayese, y den e caso ey nos ta entrega e reconosemento na su familiarnan. E ta algo hopi bunita. Na april nos lo sigi entrega e reconosementonan. E alegria y orguyo riba cara di cada homenageado, manera Mama Ita, ta yena nos cu hopi alegria y ta duna nos animo pa sigi”, palabranan di lider di MEP Evelyn Wever-Croes.