Home Uncategorized Hoben incapacita ta post su video di cumpleaños cu un mensahe hopi...

Hoben incapacita ta post su video di cumpleaños cu un mensahe hopi bunita riba facebook, cu ta pone bay viral

SHARE

Hampshire & Isle of Wight, Gran Bretania,- Un hoben incapacita ta dicidi di pone su video di cumpleaños adhunto cu un mensahe hopi bunita riba facebook y esaki ta bay viral, cu mas di 3 miyon views riba facebook.

E hoben Lewis Hine naci na aña 2001, recientemente ela celebra su di 16 cumpleaños. Tempo cu Lewis tabata tin 17 luna, ela wordo diagnostica cu un tumor den su celebro. E hoben mester a pasa den 13 operacion grandi y e pa e motibo aki, e tabata pasa mas tempo den hospital cu na cas of cu por a atende scol.

E la sobrebibi pero a keda cu cierto handicapnan, asina mes e hoben no ta laga nada strob’e di biba, maske casi tur dia e ta haya ataka, su bida ta un reto grandi, e ta keda un hoben hopi positivo y ta acepta e retonan den su bida. Lewis ta convenci cu e ta un persona cu suerte.

Lewis no ta keda sinta pornada y ni  ta tene duele di su mes, pero encambio ela funda un proyecto cu yama Friend finder,e proyecto aki ta pa muchanan cu tabata ta malo, a perde hopi scol y no tin amigo, pa nan bin hunto y cera amistad cu otro. Lewis su proyecto a yuda centenares di mucha  cera amistad cu otro.

Hopi hende ta pensa cu oranan nan tin cu biba cu un of mas handicap cu esaki ta algo malo, segun Lewis biba ta sconde bo incapacidad ta malo.

E motibo principal pakiko Lewis Hine a post su video riba Facebook y ta pidiendo pa mas hende sigui share y like su video ta, pa su mensahe por yega na mas hende cu ta posibel y asina por consientisa mundo henter, cu no tin nada di tin berguensa y ta ok pa bo ta diferente.

Na final di su mensahe e ta bisa cu su malesa lo defini con largo e lo por biba, pero su malesa no por defini con e lo biba su bida. Su incapacidad a dune e abilidad pa yuda y compronde otro. Finalmente e ta sinti awo cu e ta bibando su bida.