Home Uncategorized Dos dama herida despues cu nan pick up ta bolter na Savaneta

Dos dama herida despues cu nan pick up ta bolter na Savaneta

SHARE

[fvplayer src=”https://www.youtube.com/watch?v=MFj0RSLWghw”]

Savaneta – Dialuna anochi 11’or pasa un accidente serio ta keda registra poco pariba di Hoi Sing na Savaneta.
Habitantenan a scucha un sonido duro y nan a sali wak.

Dilanti Hoi Sing nan ta wak un auto para y kibra dilanti, poco mas pariba pazuid di caminda, cerca di e warda di polis biew un pick up S10 single cab ariba su banda.

Den e pick up tres dama, di cual na yegada un tawata ariba vloer for di e auto caba, indicando cu posiblemente ela wordo saca di e auto momento cu e auto a cay di banda.

Segun informacion haya na e sitio, e Hyundai bayendo direccion San Nicolas a pone señal pa bay para na Hoi Sing y mientras e S10 biniendo su tras cu velocidad halto a cuminsa pasa na su man robes.

Asina e ta dal e parti dilanti di e Hyundai sigui bay ariba perde control y bay cay ariba su banda.

Prome indicashon tawata cu tin persona pega den auto. Materiaalwagen y ambulance a ser manda pa e sitio.

Na ambos nan yegada e tres damanan ya tawata afo di e pick up. Tur tawata na tino y nan a por a comunica cu nan.
Chauffeur di e Hyundai tawata hopi spanta, sinta dilanti Hoi Sing, e no tawara lesiona.

Ambulancenan cu presenta a transporta e damanan mas herida pa hospitaal.