Home Uncategorized Muher cu a bati homber na Ex Cafe Capri a keda deteni

Muher cu a bati homber na Ex Cafe Capri a keda deteni

SHARE

Tanki Leendert,- Diadomingo den oranan di madruga, varios patruya di polis ta wordo manda cu urgencia pa un pelea cu hinkamento na e nightclub pabou di rotonde Tanki Leendert.

Na yegada nan ta bin topa cu un dama riba un homber, e dama tabata sutando e homber masha duro mes cu mokete. Mesora e agentenan policial  mester a kita e dama for di riba e homber, pe no desgraci’e.

Probablemente e motibo tabata cu e homber a falta e dama respet, door di mishi cu su parti intimo, cual sigur no a cay den bon tera serca e dama. E dama tabata asina razo, cu e dama a coi dos botter di cerbes kibranan cu intencion di  bay corta e homber, na momento cu e dama a bay kibra e botternan ela herida su mes, ni e corta no a impedi e dama di bringa cu e homber.

Ambos persona tabata probablemente bou influencia y como nan tabata bringando riba caya, polis a detene tur dos. Mirando cu e dama a corta su mes cu e botternan di cerbes, polis a pidi pa presencia di ambulance.

Despues cu personal di ambulance a atende e dama, polis a hiba tur dos warda di polis caminda nan lo a haya un cuarto gratis.