Belgiëstraat- Dialuna mainta polis ta bay altura di e oficina di Avianca situa den Engelandstraat, pa un persona actuando straño.
Patruya ta yega na e sitio, pero no ta topa cu e homber, cu lo ta actuando straño. Polis a continua su caminda.
Bayendo di e sitio panort di rotonde di Belgiëstraat, nan ta wak e homber cu nan mester a bay controla.
Manera e homber a wak patruya ela cuminsa core.
Algun agente mes ora a baha di auto y bay su tras, caminda cu na altura di veld di River Plate e ta wordo gara y deteni.
E persona aki a wordo hiba Huis Van Bewaring na Dakota. Ta mustra cu e persona aki posiblemente ta indocumenta y tambe posiblemente un persona di “interes”.
