Home Uncategorized Euro lottery a haya bishita di ladron

Euro lottery a haya bishita di ladron

SHARE

Bubali, – Diadomingo pa mas o menos 2’or y 10 di marduga, patruya di polis ta bay na Euro Lottery na Bubali pa un caso di kiebro y ladronicia.

Na e sitio polis ta papia cu un dama, kende a declara cu nan a horta un caha di metal for di e lugar di bende number. E polisnan na e sitio a nota cu e bentana di bandi pariba di e lugar tabata destrui. e tralienan di banda di paden di e bentana si tabata pega ainda na e muraya. Desconoci nan probablemente a usa un obheto largo pa hala e caha cerca di e bentana, pa asina por a yega na dje y sak’e door di e tralienan.

Pafor di e lugar di bende number polis a bin topa cu un man di un cuchiu.
Den e mondi pariba di e localidad, polis a topa cu un tas, cu un flashlight den dje y tambe algun articulo cu e ladronnan lo a usa, e tas cu e contenido a keda confisca.

Den oranan di merdia, e dama a yama warda di polis y a splica cu un conoci di dje a topa cu varios caarchi y documento di “Raspa” na nomber di Euro Lottery. E homber a hayanan den e mondi otro banda di caminda y a hibanan pa e señora na e lugar di number.

E señora mes a dicidi di bay busca den e mondi dilanti y a bin topa cu e caha y tambe mas otro documento, cu a wordo horta for di e lugar di bende number. Tambe algun placa los a wordo haya benta abou.

E agentenan policial a confisca tur cos y a entregue na e departamento di recherche pa mas investigacion.