Home Uncategorized Polis atento ta detene un homber cu tabata actuando hopi sospechoso

Polis atento ta detene un homber cu tabata actuando hopi sospechoso

SHARE
Turibana – Diasabra mainta poco pasa di 7’or y mey , patruya di polis ta nota un persona actuando basta sospechoso. E persona tabata geleun na un muraya patras di e oficina di Kukoo Kunuko, na Noord.  E homber tabata mustra basta nervioso y tabata papiando na cellular.
E agentenan policial no a confia esaki y mesora a acerk’e y a puntr’e si tur cos ta na ordo. E a cuminsa bira mas nervioso y no por a contesta locual a puntre. E agentenan a haya un impresion cu e lo ta vigilando un cas of e ta purbando di drenta den un cas.
E agentenan policial a pidi’e pa un ID, e no por a mustra nan niun documento legal. E homber mesora a keda deteni y transporta pa warda di Shaba, pa despues wordo entrega den man di Guarda nos Costa pa mas investigacion.