Home Uncategorized Marriott y Holiday Inn confronta cu menasa di bom

Marriott y Holiday Inn confronta cu menasa di bom

SHARE

Palm Beach – Diasabra merdia e bomb squad di Cuerpo Policial Aruba ta bay riba alerta, momento cu informacion a drenta relaciona cu un bom.

E sitio tawata lobby di Holiday Inn. Den careda di 2’or di merdia, operator di Holiday Inn ta haya un yamada, di un persona cu ta bisa cu sea e a pone of lo tin un bom den nan lobby.

Den algun minuut e team special di polis cu ta trata cu bom a yega e sitio. E area a wordo cera, caminda niun auto por a para y baha hende na e entrada.

Despues di basta rato di controla e area di e lobby, e bomb squad no a topa cu e supuesto bom, indicando asina tambe cu tawata trata di un bom melding falso.

Mas cu claro lo tin un o mas persona tras di e ‘joke’ malo aki.

Marriott Hotel mas anochi

Den careda di 9:30pm polis ta bolbe wordo notifica di un otro incidente similar. Marriott Hotel tambe a haya un menasa di bom. Bomb Squad di Cuerpo Policial mester a bolbe wordo notifica. Un biaha mas nan no ta haya nada.

E caso aki ta mustra den direccion cu cierto hende o hendenan tin mal intencion. No tin duda cu autoridad lo duna debido atencion pa e dos casonan aki di bom.